ang kamingaw dili gayod mapugngan
sa way pu-as nga paghandom sa akong yuta’ng natawhan
nagtuo ka, nga sa dayon, ikaw gihikalimtan
sa akong pagpanimpalad nigamot ka sa akong panumdoman
* * *
sa akong pagpahilayo
tanang gabii ki’ng kasing2x ko nagabakho
dili ko tuyo nga hingpit ka’ng hikalimtan
gumikan sa nag-usbaw’ng himaya nga atong gisaw-an
* * *
dakong supak sa akong kaugalingon,
nga talikdan ka, akong pinanggang BORBON
ako nanglangyaw para magpaulipon
aron lamang mahaw-as sa tumang kawad-on
* * *
bisan asa ako mahidangat
kanunay kong gipasigarbo ang imong kaanyag
dili lamang sa nagtapun-og mong bahandi
kon dili ang lawas mong walay sama ka putli
* * *
kami’ng imong mga anak mapahiyumon
mga tigulang man o mga batan-on
tambag lang inigsuon, mga higala!!!
ayaw tutoki og dugay basin mabihag ka
* * *
budbod kabog sa lugo dili ikatandi,
ang talagsa-on niyang kalumoy ug kalami
og ang nagkadaiya’ng wanang sa panginabuhi
sa lumad, gipasigarbo ug gimithi
* * *
ang imong nataran wa’y sama kanindot
kami’ng imong mga anak nagtigom ug nagkapundok
nga imong tugkaran among palambuon
aron mulotaw ang talagsa-on mong katahom
* * *
gimatuto mo kaming matinahuron og maabi-abihon
nga maoy bugtong bahandi nga dili mahimong labnihon
kami imong mga anak lumad BORBONANON
og gibantog ka sa imong pagkamalinawon
* * *
busa abi-abihon ko kamo’ng tanan, puti, itom o tabunon man
nga du-awon ang akong pinanggang yuta’ng natawhan
kay kon imo na unya kini’ng masaksihan
ambot lang, kon dili ka ba mahigam…….noybiling
.jpg "session1 (2)")
Bill’s a versatile writer, no question about it. For this reason, I salute him. Keep it up, and more power to a true son of Borbon.
i second the motion rey!
Bill, I envy your illustrious knowledge of the Cebuano dialect. There is no question, you’re a natural poet. I just want to point out that while I understand all the words you’ve spoken, I’m quite sure many Cebuanos or Borbonanons for that matter, no longer remember the meaning of those beautiful words that sincerely came out of your beautiful soul. Although I haven’t lived much of my life in Borbon, I am a Borbonanon too. I am proud of our language and prouder that one can still articulate them poetically. Very proud of you, my friend.
@rey,rolly and tony,
if i’ll get an urgent chest X-ray done, i’m pretty sure the result will clearly reveals a massive enlargement of my heart-size…i really appreciate you guys for your inspirational comments…how i wish we could get-together in our beloved town BORBON someday…
daghan kaayong salamat guys and GOD BLESS!!!
mabuhay ang TAGA-BORBON!!!
wla koy laing ika sulti…tompak…go borbon
nothing to say,except you are the best of the best borboranon.i’m proud of you.i salute both my hands.
Ang KATUNGGAN SA BORBON
By JAY V. ARMERO,LUDABI
Pagka-anindot nga sud-ongon sa kahoy’ng lapis-lapis
Sa iyang gitas-on siya mapasigarbohon
Diin daplin sa baybayon sa tanang kahoy’ng mabiay-biayon .
Panahon miabot, mipasipa kaniya
Hangin nga makusog, ulan nga masubra
Mikuso-kuso sa baybayon, ug sa mga kahoy mi-uyda
Unos nga masilagon, sa kapungot nagdala
Kabangis sa panahon, mipukan kaniya.
Bunga sa lapis-lapis sa balod gianod
Halapad nga kadagatan, latas sa dakong lawod
Padulngan unsa’y dangatan, wala siya masayod
Kalinaw sa panahon, maoy bugtong manalipod.
Bunga sa lapis-lapis sa halayong baybayon midagsa
Maampingong mga balud kaniya mipahiluna
Miturok ug nabuhi sa maabi-abihong luna
Midako ug milabong, sa yuta ug ubang kahoy gipangga .
Lapis-lapis ikaw karon, ang kinaiyahan nagmaampingon
Sa uban mong mga kahoy ikaw mapa-ubsanon
Sa gagmay mong mga bunga ikaw maki-angayon
Luyo sa kasakit, ikaw magmalampuson.
Sa tanang mga taga BORBON,
Sama kita sa lapis-lapis nga gipadpad sa kinaiyahan
Kay ang atong pangagamhanan wala nila igsapayan,
Kon unsa ang dangatan sa atong mga katunggan
Kon dili nato tamnan og prinsipyo nga gipadangat
sa atong mga kabatan-onan.
@jaymee, jun <–THANKS for dropping by. Hope to see you again.
Below is Jay Armero’s poem in response to Bill’s poem. I edited Jay’s post comment and posted it as a blog instead. Mga talented kaayo ang Taga-Borbon! To read more of this poem, click the link below:
Ang KATUNGGAN SA BORBON
By JAY V. ARMERO, LUDABI
Pagka-anindot nga sud-ongon sa kahoy’ng lapis-lapis
Sa iyang gitas-on siya mapasigarbohon
Diin daplin sa baybayon sa tanang kahoy’ng mabiay-biayon .
Panahon miabot, mipasipa kaniya
Hangin nga makusog, ulan nga masubra
Mikuso-kuso sa baybayon, ug sa mga kahoy mi-uyda
Unos nga masilagon, sa kapungot nagdala
Kabangis sa panahon, mipukan kaniya.
Click here to read more: http://borboncebu.wordpress.com/2008/09/14/ang-katunggan-sa-borbon/